Myolie Wu ជិតចូលរោងការ ក៏បានអញ្ជើញអតីតមិត្តប្រុសចូលរួមផងដែរ
08-December-2015 | ដោយ មួយឡា
តារាសម្ដែងជួរមុខហុងកុង Myolie Wu បានផ្ញើធៀបអញ្ជើញភ្ញៀវកិត្តិយសជាតារាល្បីឈ្មោះជាច្រើនរូប ក្នុងសិល្បៈឲ្យចូលរួមក្នុងថ្ងៃមង្គលរបស់ខ្លួន។ ក្នុងនោះនាងក៏បានអញ្ជើញអតីតមិត្តប្រុស Bosco Wong ផងដែរ ហើយលោកក៏បានប្រាប់ថានឹងចូលរួមដូចគ្នា។
បណ្ដាញព័ត៌មាន ChinaPress បានឲ្យដឹងថា តារាសម្ដែងល្បីឈ្មោះរបស់ហុងកុង Myolie Wu កំពុងតែមមាញឹករៀបចំអាពាហ៍ពិពាហ៍របស់ខ្លួនដែលនឹងត្រូវប្រារព្ធឡើងនៅថ្ងៃទី ២៨ ខែធ្នូ ខាងមុខនេះ។
ឆ្លើយតបក្នុងបទសម្ភាសន៍បវរកញ្ញាលេខពីរហុងកុងឆ្នាំ ១៩៩៩ បានបង្ហើបថា អនាគតស្វាមីរបស់ខ្លួន អ្នកជំនួញ Philip Lee គឺមិនសូវខ្វាយខ្វល់ចំពោះទំនាក់ទំនងដ៏ជិតស្និទ្ធរវាងនាងនិងអតីត មិត្តប្រុស តារាសម្ដែងជួរមុខ Bosco Wong នោះទេ។ “គាត់គិតថា Bosco Wong ចូលរួមមង្គលការរបស់ខ្ញុំជារឿងធម្មតា”។ នាងនិយាយ។
នេះអាចចាត់ទុកបានថា ជាការឆ្លើយតបដ៏ផ្អែមល្ហែមរបស់ Myolie ចំពោះ Bosco ព្រោះមុននេះបន្តិចតារាសម្ដែងប្រុសនេះបានប្រាប់នៅក្នុងកម្មវិធី ជប់លៀងរបស់ប៉ុស្តិ៍ TVB ថា អតីតមិត្តស្រីគួរតែអញ្ជើញខ្លួនឲ្យចូលរួមក្នុងថ្ងៃមង្គលនេះ។
Myolie Wu និង Bosco Wong ស្រលាញ់គ្នាបានរយៈពេល ៨ ឆ្នាំ ក្រោយពេលសហការគ្នាក្នុងរឿងភាគ “Wars of In-laws”។ អ្នកទាំងពីរបានចែកផ្លូវគ្នាក្នុងឆ្នាំ ២០១២។ នៅពេលនោះ អ្នកគាំទ្របានលើកឡើងថា មូលហេតុដែលនាំឲ្យមានការប្រេះឆានេះគឺដោយសារតែ Bosco សាវាខ្លាំងពេក។ នៅពេលនោះ Myolie បានយំយ៉ាងខ្លាំងពេលឆ្លើយតបជាមួយអ្នកកាសែតក្នុងបទសម្ភាសន៍៕
ប្រភព៖ zing , sabay
ចំនួនអ្នកទស្សនា
- ថ្ងៃនេះ2131
- ម្សិលមិញ12561
- សប្តាហ៍នេះ30081
- ខែនេះ51961
- ឆ្នាំនេះ51961
- សរុប20494417